الدكتور مظهر شاهين ضد الحكومه

بسم الله الرحمن الرحيم
الحكايه مش حكاية كلام هكتبه وبس
الحكايه انى مش عارفه ليه دايما النجاح ليه اعداء
هو ليه لما بنشوف حد صريح او جرىء بنتهمه بالفشل
وليه دايما شايفين المعارضين للحكومه صح والمؤيدين فى الصح غلط
الحكايه
انى وانا بتابع الدكتور مظهر شاهين فى قناة الناس سمعته وهو بيشكر الحكومه لانها ادت ماعليها من واجب انسانى قبل مايكون خدمى او وطنى لما قسم تانى مديمة نصر لقو طفل فحديقه فى شارع وقعدو يلفو بيه فى المستشفيات عشان يعالجوه لانه يظهر انه لسه صغير يمكن كم يوم
فتوجه الدكتور مظهر شاهين بشكر الحكومه فاندهشت اوى لانى اولمره الاقى حد يشكر الحكومه
والحقيقيه اعجابى زاد بيه اكتر لما لقيته بيقول ياجماعه لازم نشكر الحكومه على انجازاتها وندينها فى اخطائها
منبقاش على طول الخط بندين وبس او بنشكر وبس
والحقيقه لما قعدت افكر فى كلام الدكتور مظهر لقيته عين العقل والشرع
عشان مبدا الثواب والعقاب ده مبدا اسلامى
اذا كان فى الاخره مصيرين هما الجنه والنار فاكيد ان فيه مبدا ثواب والمبدا التانى مبدا العقاب
عشان كدا يارب كل الناس تفكر قبل الحكم على اى تصرف او على الاقل نحسن الظن بالله شويه ياجماعه لانى بصراحه جالى اكتئاب من سوء الظن اللى بنحسه فى الاخبار اللى بنسمعها فى كل حته
وجزاكم الله خير